最近主題公園成日有機動遊戲故障，雖然事件當中冇人受傷，但係相信玩家遇到事故都不免受驚，而且令人憂心機動遊戲嘅安全性，下次有機會玩機動遊戲，真係要有搵命博嘅勇氣。而講到呢種勇氣，我哋真係不得不佩服，加拿大早前一個笨豬跳比賽嘅參賽者喇。玩笨豬跳本身已經需要好大勇氣，不過為咗挑戰難度搏出名，參賽者更加不惜剝光豬去跳，甚至有人組成情侶檔一齊裸住跳，見到佢哋跳嘅時候攬到實一實，旁觀者亦會感受到箇中驚險，作為男觀眾同時會感受到少許失望，因為女方被男友攬到實，未能一窺全豹。
早前曾經報道過，由於日圓處於高水，所以好多韓國企街女都會向日本遊客埋手，意圖大賺日圓。不過，呢班企街女好快就會離開家鄉走出去喇。據悉，韓國方面正加強執法，取締賣淫場所，好似位於首爾黃色場所集中地永登海灣，最近42間舖頭當中，就有11間被禁止營業，搞到一班以賣肉維生嘅女性都冇得撈。而佢哋為咗生計，惟有離開家鄉外流，據講佢哋最鍾意就係去日本以及美國搵食。其實，我哋香港都唔少人鍾意韓國女仔，而且港紙又同美元掛鈎，不如考慮呢邊啦。
撰文：小德