記得以前內地都唔興情人節呢家嘢，所以啲相好，唔會要求你送禮物或者要你去邊度慶祝，但自從呢陣風吹入內地後，夜場嘅囡囡不知幾重視，好似我有個相熟嘅囡囡，未到情人節就打定電話去畀佢班老相好，問定邊個得閒，如果唔得閒嘅，就會抱怨幾句，話佢哋冇心肝。啲相好一定會好言安慰，於是囡囡就會打蛇隨棍上，要求對方改送禮物，於是新款電話、戒指、化粧品等就會源源送上，至於一啲有時間相陪嘅，囡囡就會問定去邊度慶祝？如果只係循例食餐飯跟手去唱K嘅話，咁就真係抱歉，佢就會話唔得閒，至於囡囡究竟想點？最少都出去旅遊，唔係都要落深圳食個情人節大餐啦！食一個情人節燭光晚餐隨時貴過香港，但囡囡要求你都冇計，邊個叫你鍾意佢呢！