師傅成日教我，人窮唔緊要，最重要係志氣唔好窮盡，一定要抱住成功嘅理想。不過，時移勢易，想成功，想做有錢人真係唔容易，尤其係家陣金融霸權當道，控制咗大量資金，所以搞到早前咁好多人響應霸佔華爾街運動而上街囉。最近，烏克蘭女權維護組織FEMEN又為咗反財閥而出動。佢哋有3位美女成員早前去到瑞士達沃詩嘅世界經濟論壇年度大會會議場館門外抗議，高舉標語反對與會嘅商家同政治家只顧賺到盡。為咗加強宣傳效果，3位美女仲剝光上身，於零度嘅氣溫之中露盡兩點，精神實在令人欽敬！
撰文：小德