最近天氣回暖，感覺不知幾爽，但記得過年嗰幾日，就真係凍到阿媽都唔認得。有老友報料話初一嗰日喺惠州，天氣只得返兩三度，走去桑拿竟然大把囡囡揀，原來冇乜客人嚟幫襯，所以全場三十幾個囡囡全部喺晒度，心諗呢鋪仲唔發達？點知一入房間就知道瀨嘢，原來房間冇開定暖氣，一入房即時沾寒沾凍，而囡囡更唔捨得剝衫，只肯剝外套以制服示人；講真老友都唔想剝，但冇理由唔沖涼，於是勉強剝清光，一開水喉，冷水就照頭淋，囡囡猛話對唔住，於是成身凍水企喺度等水熱，真係震到入心，分幾鐘後熱水至到，但沖得一陣，又唔夠熱水，真係名副其實享受「三溫暖」，最後上到床，囡囡都着住套制服嚟做服務，勉強完成第一回合後，老友已經凍到要宣布棄權，難怪全場一個客人都冇啦！