日式夜總會原來對囡囡着嘅制服，要求係相當嚴格，佢哋着衫有一定規矩，唔可以求求其其。好似最近有個風俗網站就同日式夜總會嘅客人做咗個調查，睇吓客人最滿意囡囡着乜嘢衫返工，得出嚟嘅結果，同真實情況一樣，認真唔講得笑！
唔講唔知，原來不少巴打鍾情嘅制服誘惑，喺夜總會客人心目中只佔到第4位，而且制服都係以高級為主，例如兔女郎或賽車女郎服等，至於其他造型，客人就唔多喜歡，例如女僕或護士裝，客人會認為太Cheap，唔太適合夜總會。
第3位就係花裙仔之類嘅便裝，客人話囡囡自選心愛嘅便服返工，最大好處，就係可以從中睇出各自唔同嘅性格，例如有囡囡喜歡着低胸衫，就代表為人夠坦誠主動，着迷你短裙就表示囡囡外冷內熱，客人可以按照囡囡唔同嘅性格，而選擇交往。
第2位就係名貴晚裝，囡囡着上晚裝，絕對可以艷壓全場，除此之外，客人更可以從華麗晚裝中，得知囡囡喺夜場嘅身份同地位，於是客人可以按囡囡衣服嘅華麗程度，選擇自己可以接受到嘅類型，因為隨着囡囡嘅地位愈高，客人消費亦會愈高。
第1位就係和服，傳統日本夜總會每一間只有一個人可以着上和服嚟侍客，就係女店長，所以着上和服嘅女性就代表佢係全店最有實力嘅囡囡，就算做咗媽咪或店長，都係駕馭眾囡囡嘅重要人馬，所以和服嘅地位冇人可以代替。
撰文：小德