過年呢幾日如果有北上尋歡作樂嘅朋友，相信一定會受唔少氣，事關夜場十居其九都冇囡囡，個個都等到頭都白。啲囡囡除咗有部分返鄉下探親之外，原來仲有好多被人臨時拉夫做咗女伴遊，即係同客人呢度去嗰度去，享受人生樂趣。
記得以前臨到新年，就會問定啲老相好，過年要唔要返鄉下？如果唔使嘅，一定會夾佢哋出嚟旅遊，例如囡囡喺東莞嘅，就帶佢哋去深圳或者廣州玩吓，當時不知幾巴閉，但時至今日，如果想氹囡囡去深圳玩，相信已經滿足唔到佢哋，咁佢哋要去邊度呢？原來最少都要搭飛機，而囡囡最喜歡去嘅地方，原來就係海南或者泰國，事關呢啲旅遊城市，遊客多極都逼得落，唔似廣州同深圳，一過年過節去到邊都人山人海，想食冇得食，想玩冇得玩，而且去呢啲地方仲唔使買定冬天衫。
如果搵到大老闆就會飛去台灣、日本或者韓國，事關男伴係老闆，唔夠衫可以即時瘋狂購物，一定唔會詐型！所以家陣搵囡囡過年出埠，平均冇幾萬蚊都唔使旨意，所以呢啲優差都已經唔輪到我哋嚟玩，囡囡一早就畀人包晒，而且內地人出埠旅遊，飲飲食食真係豪氣干雲，同跟香港仔去玩，真係天同地比；所以囡囡過年出一次埠，單係使費都幾萬，買嘢又執幾萬，而且返嚟之後氹得老細歡心，仲有獎金添，咁你話啲囡囡過年仲開乜嘢工，一於陪客人出埠啦！香港仔，慳啲啦！
撰文：小德