河邊草：同女友住埋一齊雖然已經有一段日子，但係有樣嘢仲係好唔慣，就係每次我同囡囡行埋，佢隻愛犬都唔係坐喺床邊，眼甘甘咁睇住我哋曳曳，就係趁我喺度同囡囡玩緊推車仔時走埋嚟，搞到我不知幾咁尷尬！之不過囡囡又覺得冇問題，咁點算好呢？
指南針：我都有咁嘅情況呀！不過我比你更加嚴重，就係我試過喺曳曳嘅時候，將女友隻狗仔趕咗出廳，然後反鎖埋道門，諗住可以放心曳曳啦！點知女友話我冇人性，將佢隻狗仔趕咗出去喎！仲話我再係咁嘅話，就唔同我行埋，真係慘情呀！
搵到一舊：其實你有冇同女友講過，佢隻狗喺床邊睇住你哋曳曳，你會覺得周身唔聚財呢？我覺得呢點要同對方講清楚囉！雖然話隻狗係畜生，就算你做得唔好，佢都唔會喺床邊笑你，但係始終覺得有「人」喺身邊瞄住晒，覺得好唔自然，久而久之會影響你哋嘅性生活。
發財呢邊：講係冇用架！我就知道有啲男女，佢哋其中一個人錫隻狗錫到燶，莫講話曳曳前趕走隻狗，有啲更係唔介意喺床上開波時，隻狗喺床上搞搞震添！你話對住呢啲愛隻狗愛到唔理自己有冇私人空間嘅人，想趕開佢隻狗？嘥氣啦！