如果要為老深桑拿場，用一個形容詞嚟做去年總結嘅話，可以用「慘情」呢兩個字！先喺年初百日大洗前，跟住再嚟運動會祭旗後，名副其實由年頭搞到差唔多到年尾，令唔少邪骨細場相繼投降。好彩年尾稍為喘定，大家先至鬆番啖氣咋！雖然話家陣條頸冇勒得咁緊，但係狂風打足咁耐，唔少本嚟都偷雞有正題嘅正骨大場，都唔敢咁放肆，情願提供鬼祟嶣機，仲要係唔係熟客冇得玩嗰隻。新手想去大場食嘢？難啲囉！
由於桑拿大場表面正經，技師質素普遍相對邪骨場嚟講又夠高，故此以前吸引唔少玩家上去偷食。不過吹足咁耐風，個場都畀人掃到怕，大場皮費又貴，萬一因小失大，畀人釘埋牌嘅話，咁就真係制唔過！好似有玩家講，佢喺老深某大正骨場，以前都唔知打過幾多次友誼波。點知家陣不但熟客都冇得玩，只有得玩鬼祟機之餘，有次佢帶咗個新仔上去，唔知係咪新仔生面口，加上相熟經理唔喺度關係，竟然連機都冇得起！有相熟嘅技師同佢透露，話家陣個場嚴令冇乜嘢都唔好提供額外服務，費事中伏時就手尾長喎！
特攻語錄：懶理係熟客，有女冇得吔；場風吹咁耐，穩陣至合格。
撰文：鋼炮仁