根據瑪雅民族嘅古老預言，指出世界將會於2012年12月21日到達末日，好多科學家都叫大家唔使驚，繼續女照溝、舞照跳嘅同時，又有好多人相信此預言，甚至有人發末日財添。末日都可以發財？係呀！早前，美國一個出位嘅香體產品品牌又有新搞作，出動到上百名美女上街，佢哋每個人心口一個橫額、背脊又一個橫額，上面就寫住「世界末日將近」以及「為咗世界末日上床」等等字句，目的就係為咗貫徹公司一直以來，將香體產品有助溝女上床嘅意念，只係用世界末日嚟包裝，亦相信可以勾起唔少男士及時行樂嘅心態，呢條橋都唔錯喎。