呢十幾年嚟，香港球壇成日都話球賽入座率偏低，有人歸咎家陣嘅年輕人太多活動玩，所以唔入場睇波。至於真正原因我就不作揣測喇，但係建議有關單位可以向美國借鏡。早前，美國美式足球聯賽為咗令球迷感覺有過聖誕嘅氣氛，所以大會特別安排一班啦啦隊以性感聖誕老人裝出場大跳勁舞打氣，令現場氣氛火速急增，如果我哋香港嘅足球比賽又有一班性感啦啦隊，即使吸引唔到球迷，吸引到班龍友都可以增加入座率吖。