相信不少為人家長嘅朋友，就算自己辛苦少少，都要為供子女去外國升學而儲錢。不過，有此諗法嘅朋友真係要再辛苦少少，儲多少少，以備子女有足夠錢生活喇。最近英國一份知名報章揭露，愈來愈多女大學生因為要賺錢而過住賣肉半工讀嘅生活，而報章仲訪問到一位叫Emma Green嘅女大學生。Emma佢為咗賺錢應付學費同生活費，所以閒來為一個色情網站進行剝衫表演，雖然唔會三點盡露，但係亦一樣大露酥胸同玉臀，真係不曉得佢老竇若然又係客仔之一，心裏面有幾痛恨自己唔努力搵錢畀個女喇。