王讀者來信問：本人今年已經49歲，但每日起身時，小弟弟都會雄赳赳、氣昂昂，證明自己性能力十分正常；但每次出外偷食時，當做到衝刺時心臟就會有少少痛，而且呼吸特別急促，有時仲會有啲作嘔同埋暈眩嘅感覺，想請問一下咁樣係咪屬於正常？同埋最想知道日後仲適唔適合繼續進行性行為？
答：出現王先生所講嘅問題，好明顯就係身體機能已經出現毛病，建議都係快啲搵醫生進行詳細嘅身體檢查，睇睇邊度出問題，就馬上對症下藥。而據此描述，可能心臟血管有閉塞，於是喺劇烈運動時，心臟無法大量供血去身體其他器官，所以腦部首先出現暫時性缺氧，所以才有暈眩和嘔吐嘅病徵，嚴重嘅情況可能會心口作痛、視力出現糢糊、聽覺出現耳鳴等，再嚴重可以導致心臟病發，或者中風嘅可能；如果真係要進行性行為，建議王先生被動一點，減少體力同心臟負擔，當然都係嗰句，快啲去睇醫生，詢問主診醫生嘅具體建議。
撰文：陽起子