年尾節日多多，所以一定係模特兒嘅黃金檔期，而今日介紹呢兩位互Chok靚女亦唔例外，節日期間只能與工作人員共度佳節，佢哋分別係來自日本嘅市川由衣，同埋來自內地嘅張婉瑞，工作咁忙，一於睇吓佢哋兩個係咪咁有本事先！
論身材日本嘅市川由衣真係比較輸蝕，因為由衣佢嘅三圍數字只係32-23-33，睇佢嘅寫真集，就算左夾右夾，都係大雞包仔一個，但係內地代表張婉瑞就唔同，佢雖然上圍只得34.5吋，但配埋23吋小蠻腰，42吋修長美腿，拍攝嘅寫真效果真係一流，噴血度極高，係男人睇見都會流晒口水，所以呢個回合，內地代表張婉瑞勝！
人氣方面，市川由衣出道十多年，佢班粉絲嘅人數都一定有番咁上下，而且由衣又拍電視、電影，又出寫真，又做模特兒，所以佢嘅粉絲各階層都有，人氣絕對不容置疑，而張婉瑞雖然出道日子較短，但佢喺網上嘅粉絲人數，相信係以過百萬計，單係睇佢寫真照嘅點擊率，就知道佢有幾咁受歡迎，所以呢回合應該係平手。
未來發展方面，由衣經過十年磨練，家陣無論要佢拍劇做戲，定係影相代言，佢都可以手到拿來，輕鬆處之，相信隨住佢人氣漸高，將來嘅發展一定係無可限量；而婉瑞雖然近年人氣爆燈，但目前嘅工作，都係做一啲硬照模特兒或者代言嘅工作，未有參與跨媒體嘅演出，要有由衣咁嘅成就，相信要等一段日子，呢回合由衣勝出。
區揚靖：我絕對支持日本代表市川由衣，因為由佢細細個開始，就一直留意住佢，身材十幾年嚟都冇乜改變，但我就喜歡佢嘅獨特氣質，令人睇得舒服，我鍾意！
關左趙：我支持來自吉林嘅張婉瑞，因為佢嘅身材真係冇得頂，而且擺出嚟嘅性感動作，張張都表情十足，令人充滿幻想空間，我咁正人君子都差啲流鼻血呀！
陳翼信：我就話各有各好，張婉瑞嘅身材真係天下無敵，冇乜男人可以抵抗得到；而市川由衣就氣質十足，有好特別嘅吸引力，所以我話兩個都咁正，打成平手。
出生日期：1986年8月10日
三 圍：32、23、33
身 高：158cm
工作資歷：99年被星探喺街上發掘，翌年參加選秀大賽因而一炮而紅，最先是當平面模特兒，後來當了影視明星，但星途唔算暢順，當中有起有跌，期間出過兩三本寫真集，保持住一定人氣，近年開始擔正做女主角，演藝實力受到肯定和重視。
出生日期：1988年10月16日
三 圍：34.5、23、34
身 高：176cm
工作資歷：自小練習舞蹈嘅張婉瑞，小時候希望他朝成為一位出色嘅舞蹈員，長大後經朋友介紹，誤打誤撞，竟然闖入咗模特兒圈子，當起模特兒來；出道短短日子，就已經大受歡迎，火速成為長春市內嘅當紅模特兒，家陣仲紅到去北京添！
撰文：祖