馳力王最近有老友喺內地嘅老婆落咗嚟，本來一家團聚係值得高興嘅事，但係呢位老友係中港司機，經常中港兩邊走，對於內地嘅尋歡作樂當係家常便飯。老婆以前喺內地有好多親朋戚友，有傾有講，自然無咁多時間左諗右諗，更何況佢老婆都係喺骨場認識嘅！當然一早知佢係骨精喇！所以對佢嘅出軌行為也隻眼開隻眼閉。依家落到嚟香港，人地生疏又無人無物，再加上老友成日唔喺身邊，佢自然多嘢諗，於是愈諗就愈癲，最終要生要死，要脅老友要轉行，留多點時間喺香港。老友當然話無得傾，人到中年先轉行，一家人出去乞食都得喇！結果佢老婆一時睇唔開玩企跳，幸好最終畀人勸返入屋，不過事件已經搞到好大，老友真係煩到出煙，佢話早知唔申請佢落嚟好過，以前分隔兩地，生活仲相安無事，佢又可以滾得安心，依家就算係去滾，都覺得有啲壓力，又趕喉趕命返香港交人，今次佢真係有苦自己知，仲奉勸所有同道中人，骨精係唔適合娶老婆嘅！