「性愛模特」係乜傢伙？正係強國表現囉！喺歐美日韓呢啲開放國家，不同地區定期舉辦性愛博覽，而展會內需要大量敢搏敢露嘅囡囡表演，就稱之為「性愛模特」，可惜落喺內地文化，又會變成搵女快線，雞頭更公然招女陪客，咁仲有王法嘅？
於網上搜尋引擎輸入「性愛模特」，會出現不少有關中日韓以至澳門性博覽照片，入面穿着性感內衣滿場飛嘅就係性愛模特兒，多得內地雞頭扭曲，部分招聘網站頓變賣淫平台，囡囡可以自薦做模特，有心玩家可以按「性愛模特」搜尋心水囡囡短聚。一位雞頭就表示，兩年前已開始用性愛模特招攬囡囡，當時反應好一般，或者係大眾未接受，但自從上海及廣州等地有性愛博覽後，外界對呢種職業冇咁抗拒，更主動要求入行！有指真正成人用品參展商絕少公開招聘「性愛模特」，多數會交由Model公司處理，但雞頭就窺準漏洞，利用網上搵女同時宣傳。
「性愛模特」背後由賣淫集團操控，定期喺網上登招聘廣告搵女，不少純情少女以為係行行企企，擺出性愛甫士就可以，但見工時至發現現實係誘導去賣淫，要吸引囡囡上釣，雞頭當然會開出非常優厚條件，例如只陪上流人士，出入高尚地方，更有專人接送，比高鐘更高鐘，有消息指肉金介乎三千元或更多，但有囡囡話實際係任何類型人客都接，出入只有的士接送，而肉金亦未必達標。有囡囡話：「頭幾次接客條件真係好好，但做落以後就發現人客質素其差，有時要深夜去時鐘酒店，入房至發現係醉酒客，好離譜。雞頭知你接得客多，又會不斷向囡囡壓價，甚至要收錢拍寫真當賣廣告。」但有雞頭坦白承認，新血叫價一定高，但玩得兩三次後人客就冇興趣，減價係理所當然：「絕冇可能囡囡賺晒，公司都要搵食，舊車都有折舊啦，何況係女？」
撰文：祖