最近上面風平浪靜，間間骨場都生意火爆，於是有啲老總見個勢頭好，就偷偷哋加價，原來肉金三百幾蚊嘅，就上調到四百幾，原本四百幾嘅，就上調至五百，餘此類推，但為免客人流失，各夜場老總都大搞活動，例如將原本百二分鐘嘅服務，統統加到一百三十分鐘，除咗時間延長之外，不少骨場由原來唔使收房租錢，變為要收房租錢，但全部計入套餐費用內，令客人錯覺自己着數咗。此外，唔少大型骨場都推出大抽獎，頭獎獎品豐富，有最新智能手機或平板電腦，此招一出，自然吸引唔少年輕朋友捧場，而且獎項更係人人有份，好似值四五十蚊嘅大廳消費或飲食禮券，好多客人都覺得好着數，於是忘記費用貴咗成舊水。所謂一個願打，一個願捱，只要冇人詐型，勢必繼續繁榮娼盛。