最近有內地傳媒指，被虐服務喺內地有上升趨勢，更有城市出現供不應求嘅情況，有冇咁誇張呀？被人打餐懵都咁受歡迎，呢個係乜嘢世界呀！有老友喺網上，聯絡到一個專門做施虐服務嘅大連靚女小昭（化名），睇吓佢點講。
小昭入行一年左右，首先問佢係咪咁好生意，佢話：「我哋平均一日接三四個客，由於體力付出特別多，所以做三四個客已經好夠，但預約期已經排到三四日後。」據小昭透露，佢哋每做一個客，大約四十五分鐘左右，收費一千至三千元不等，視乎佢哋玩啲乜嘢難度嘅動作，但其實好多動作都差唔多，若然玩埋排泄物，就要特別加錢，小昭話：「有一次個客話要玩，我淋咗佢一次，但佢嫌唔夠喉，要我再嚟，但邊可以話嚟就嚟，佢一急即加兩千要我做，於是猛灌白開水，最後淋到佢滿意為止。」
大家都好想知道係乜嘢客人居多？小昭話：「以前係啲宅男，佢哋不事生產，做啃老族，所以好有罪惡感，於是搵我哋打一身贖罪，後嚟多咗啲小老闆，佢哋賺埋賺埋好多黑心錢，覺得自己滿身銅臭，於是叫我嚟狠狠地教訓佢哋，而最近就多咗啲富二代、官二代嚟幫襯，原因都係大同小異。」唔知小昭怕唔怕打傷佢哋呢？小昭話：「我入行前要跟師傅學嘢，打嘅時候係用陰力，死力咁打落去唔止痛仲會有傷痕，但冇學過師嘅就好難講啦！」所以大家想玩之前真係要諗過先！
撰文：賢