今日糜博:人妻風俗孃增加

據聞,日本近期嘅人妻風俗孃有增加趨勢。而業界人士就指出,原因正係上年日本當局修改貸款方案,令冇收入嘅主婦冇辦法向地下錢莊或信用卡公司借錢,佢哋急於搵錢周轉嘅情況之下,最快方法就係從事風俗行業喇。另一方面,二十出頭嘅女仔下海亦同樣增加,大家以為佢哋因為搵錢買名牌衫名牌手袋至出賣肉體,係咪?原來我哋錯晒,業界人士話好多年輕風俗孃都話下海只係搵錢養老,咁計劃周詳,又幾生性喎。

男女視點大不同

最近,法國一間高新科技公司為掌握男女嘅眼球活動,以研發眼球追蹤技術,於是特別搵來法國、英國、巴西、西班牙、美國、荷蘭、丹麥共七個國家嘅男女幫手。過程進行嘅時候,研究人員就畀每個人睇一下,一張身穿低胸裝嘅巨胸靚女相片。結果發現,大部分嘅男士留意得最多嘅地方就係其胸部,至於最多女士留意嘅地方就係女模手上嘅結婚戒指。呢個結果主要唔係話畀大家知,男人鍾意睇胸,而係指出女人非常眼利,一睇就睇到你有冇戴戒指,各位已婚男士下次外出溝女,記住除咗隻婚戒呀。

撰文:賢