好多女星嫩模都被人懷疑有整容之嫌，可見整容愈來愈普遍。不過，整容有乜好呢！女仔最重要就係出自天然嘅自然美吖嘛，好似內地嫩模劉妙咁，堅持唔整容，除咗充分表現出自然美，仲顯示出對自己嘅一份自信，咪更令人佩服同支持囉。劉妙成名於2008年，當時佢於網上發表咗一輯寫真名為《暮春櫻花》，令網民為之驚艷，亦令阿妹成為網絡紅人。
之後，阿妹相繼發表過唔少寫真，其美貌同婀娜身段同樣令網民睇得開心，人氣亦與日俱增。之後，阿妹拍寫真嘅次數愈來愈多，所以更有網民拍到佢嘅真實樣貌，並指出佢塊面比起上輯嘅寫真更闊。而劉妙亦坦然表示寫真都經過電腦修飾，不過就並非完全係佢個人嘅意願，同時話自己絕對冇諗過做削面手術，以保留自然美，於家陣咁多嫩模整容嘅時候依然堅拒隨波逐流，值得佩服。
噴血度：4
養眼度：4
百變度：3
評分（以五分為最高）
網址：www.moko.cc/liumiao
撰文：賢