馳力王有個老友最近北上公幹，順便沖個涼玩吓邪骨，點知畀人屈到一肚氣。事緣佢公幹完畢預備回程，途中見到有間骨場就走上去，呢間骨場佢半年前都曾經幫襯過，當時好多大波妹，於是佢一諗起，就即刻事不宜遲。點知當晚入到去，鬼影都無隻，佢已經覺得有啲唔妥，不過都一場嚟到，就決定去馬。佢沖完涼入房，同個服務員講做港式，服務員反問係咪做港式全身推油，佢隨口答係。技師好快就入房，相貌都不俗，年齡又後生，佢心諗今次總算無揀錯。技師好認真咁按咗十五分鐘，按完正面按腰背，但係一直都無行動，佢又唔好意思開聲問，事關個技師都幾斯文。之後技師叫佢除衫，佢以為入正題，點知技師仍然係好認真咁推油按摩。最終90分鐘好快就過去了，一場正骨就此完結，佢覺得囡囡手勢的確唔錯，正骨就正骨喇！反正都幾舒服，點知出到前台，一睇個價錢，竟然收邪骨價，佢梗係唔服，但係服務員立即大大聲話「港式正規推油」係貴過一般推油架！老友見佢哋人多勢眾，立即無聲出，惟有谷住一肚氣返港。