最近收到風話喺湛江有間大型骨場，搞咗個「一元拍賣」嘅活動，一大班囡囡魚貫出場，個個花枝招展，性感迷人，出晒場之後就由客人出價，每個靚女底價一蚊，如果你好彩心儀嘅囡囡冇人吼，話唔定就可以底價成交，咁就真係「一蚊一隻雞」囉。
呢間骨場報稱有兩百多名囡囡，但有份參與一元拍賣嘅，只佔當中嘅兩成左右，好明顯，一啲高質高價嘅囡囡就唔使出嚟拍賣，所以出親嚟畀人拍賣嘅都係啲見習生、新人或者係啲低級數嘅囡囡，據了解當地最平嘅一級囡囡收費只係三百八十元，帳面睇都幾着數，但經過我哋明查暗訪之後，發現嗰啲囡囡其實幾難以底價成交，詳情係點等我哋慢慢講，首先同大家講講玩法！佢哋每個拍賣嘅囡囡都有冧巴，主任會逐個出嚟介紹和進行拍賣，每個囡囡雖然底價一蚊，但係每承一口價就要一百大元。
第一二口價通常都會十分熱烈，因為叫到第二口價都係二百零一蚊，仲係十分吸引嘅水平，但係往往會有神秘人叫第三口價，囡囡嘅肉金就會跳升到三百，呢個時候就會冇人出價，怕會叫到四百大元，咁主任就會調低每口叫價，例如三十蚊一口價，如果有人承到呢口價，叫到三百三十一蚊，通常就會成交。至於主任調低嗌價，有啲係六十蚊一口，亦有啲十蚊一口，完全由佢定，其實都幾難食到平嘢，但打個折平幾十蚊就實有，兼且大家爭吓，氣氛都刺激啲，所以都算係個成功嘅活動。
撰文：小德