最近老友祥仔喺中山嘅商業街，識到一位賣衫嘅女售貨員，兩人一見如故，於是幫對方買咗好多衫，當晚仲順利約到出嚟食飯，之後，呢位囡囡仲主動跟咗老友返酒店，兼且溫馨纏綿咗成晚。第二朝，祥仔開始有啲擔心，驚囡囡會問佢攞着數，點知囡囡一起身，竟主動同祥仔嚟一個早晨全餐，然後先沖涼着衫，話要趕住返工，先走一步，斗零都冇問祥仔攞，祥仔自然開心。隔個星期，祥仔又上去，諗住收工去接佢，點知見到呢位囡囡同咗另一個男仔去酒吧玩，祥仔本來想衝上前質問個女仔，但諗深一層，同個囡囡冇名冇份，人哋到時一句質埋嚟，咁咪瘀死，於是打算走人，點知遇到囡囡個同事，佢話呢個囡囡有好多男朋友，差唔多同佢買過衫嘅，都同佢有一腿，所以係店裏面嘅銷售冠軍，冇人比得上，祥仔知道自己被利用，惟有當自己發咗場春夢啦！