正所謂不進則退，出嚟社會做嘢唔拚搏又點會成功，今日就介紹兩位喺演藝事業同樣出名夠拚搏嘅囡囡畀大家認識，佢哋一位係嚟自日本嘅中村靜香，而另一位係嚟自內地嘅曾可可，無獨有偶，兩個靚女嘅身材都十分火辣，令人噴血。
論身材，中村靜香真係唔輸蝕，三圍係35、24、34，一雙巨乳不知俘虜幾多宅男，自轉戰做水着後，中村不知推出咗幾多寫真DVD，而且張張大賣。但內地代表曾可可亦唔弱，佢三圍係35、24、35，數字好似相若，但就擁有170cm身高，完美身材配埋長腿，呢回合曾可可贏！
講到才藝，中村靜香真係周身刀、張張利，佢14歲出道，呢十年嚟拍戲、拍劇、拍廣告、上節目、做主持，樣樣都做過，而且瓣瓣都掂，只係近年專心拍劇同埋拍DVD。而可可就只做硬照模特兒，其他演出機會較少，但人哋啱啱入行一年多啲，所以呢回合雖敗猶榮。
講到粉絲，中村靜香真係唔講得笑，佢有自己嘅影迷會，實力不容忽視，而且可以兩年內連出八張寫真DVD，可見佢有幾咁受歡迎。至於曾可可，佢雖然啱啱出道，但係網上嘅粉絲都唔講得笑，佢嘅相片點擊率同埋轉貼率都以百萬計，呢個回合雙方打成平手。
朱大明：我梗係支持中村靜香啦！事關由佢細細個，睇到佢家陣大大個，充滿親切感。
志氣高：我支持曾可可，單係青春活力，就已經無得比！何況佢仲有導彈級身材，正呀！
黑仔杰：我兩個都支持，因為兩個都一樣咁好身材，如果兩個做晒我嘅老婆，咁就發達啦！
出生日期：1988年9月9日
三 圍：35、24、34
身 高：163cm
工作資歷：中村靜香喺14歲時已經出道，由細路女開始拍戲拍廣告，演出經驗可以話十分豐富，但自從佢愈嚟愈大個女，身材愈嚟愈出位後，佢就轉投水着界發展，成績更為理想，呢幾年仲狂出寫真碟，相當受粉絲歡迎。
出生日期：1991年5月17日
三 圍：35、24、35
身 高：170cm
工作資歷：被網友喻為小藤井莉娜嘅曾可可，出道一年多啲，但喺平面模特兒界已經十分走紅，拍攝工作不斷，只要一有佢嘅寫真刊出，網友就會爭相轉貼，係位人氣極高嘅年輕模特兒，至於其他嘅演藝工作，暫時就未有，但佢話會努力學習喎！
撰文：峰魂簫