好多成熟嘅男人都唔鍾意溝十幾歲嘅後生女，除咗冇咁多精力陪佢哋玩，亦因為呢類女仔嘅人生經歷不足，做唔到喺後面支持自己嘅女人。不過，世事無絕對，好似內地嫩模張如意，不但青春逼人，仲好識得鼓勵別人添！畢業於北京戲劇藝術學院嘅張如意，憑住俏麗可人嘅面孔以及動人嘅舞台演出，參加「全國青春美少女」大賽，結果得到賞識，被羅致為女子組合「青春美少女」其中一員。自此之後，如意除咗唱歌，仲做埋模特兒。不過，阿妹後來發現自己鍾意做戲多啲，所以返番學院進修一年。果然皇天不負有心人，如意進修之後，獲邀參與古裝劇《恩仇劫》，其後仲拍過唔少電影，好似《商諜》、《你好寶貝》等等。另外，阿妹近期亦有新搞作，就係推出勵志歌曲《女生之歌》，鼓勵年輕女仔勇於面對挑戰，唔知阿妹幾時會唱支歌嚟鼓勵吓我哋一班麻甩佬呢？