身邊有唔少朋友都有自己嘅收風方法，收吓邊個場嘅囡囡質素唔得，邊個場嘅囡囡招呼唔好，等自己冇咁容易中伏咁話。不過，收風歸收風，有時都要經過大腦諗吓至好信，否則畀人哋利用咗都唔知。話說，朋友A經常北上，鍾意同夜場經理收風，某日佢疏乎完後，就同經理講起隔籬街開嘅新架步，想同經理套吓料，睇吓對方嘅口碑如何。
經理聽到後，即刻一輪嘴咁狂鬧新場唔掂，又話人哋啲女樣唔得，服務差，唔少玩家試過後唔想再去，情願嚟佢哋個場玩好過。朋友A聽到後，信以為真，返到嚟同我哋講，話個新場質素勁差云云。點知咁啱，在場有兩位老友啱啱去過呢個新場偷跳完，一聽到朋友A嘅評語，即刻皺晒眉話，完全冇啲咁嘅事，個場新淨得嚟，囡囡嘅質素同服務都唔錯，尤其係相對於朋友A去開嗰間場，更加係高足一條街，仲要有相為證添！明眼人一睇，就知朋友A去開個場，想踩對手至放流料，因此，日後收風，記得過濾吓至得。
特攻語錄：風要繼續收，但要識過濾。人噏你又噏，只被當亂噏！
撰文：鋼炮仁