尋晚返到屋企，突然收到個經常北上嘅老友電話，佢問我有冇興趣去CA玩。原來佢有班朋友正喺當地嘅夜總會，玩得非常開心，心痕又身痕嘅佢，就想拉埋我一齊去，仲話已經叫定佢嗰班朋友，幫佢留定女咁話。聽到佢咁講，我都有啲心郁，之不過望吓隻錶，八點幾，去到起碼十一點啦！老友話唔使驚，皆因佢識得個老深嘅白牌車司機，兩舊水，一粒鐘，必定去到咁話。
雖然老友盛意拳拳，但係我最後都係拒絕咗佢，點解？皆因我曾經領教過老深白牌嘅飛車技術，係就係好快，但見到司機左閃右切，唔知仲以為玩緊頭文字，真係嚇到鼻哥窿都冇肉，加上去內地嘅公路，不論係高速定二級路，路燈都係咁暗，容乜易會有意外o架？安全起見，我情願過隔籬街撳鐘仔好過。去玩，唔使搵命博嘅！
特攻語錄：高速飛車命都短，安全使得萬年船！
撰文：鋼炮仁