大家有上過內地玩，一定唔會對「明星組」陌生，無論夜總會或者骨場，只要有啲規模，佢哋都會另設一批囡囡叫明星組，但明知係冇人做過明星，又點解叫做明星組呢？
據資深骨場老總輝哥（化名）解釋：「我哋所指嘅明星，並唔係話佢哋做過明星，只係佢哋嘅樣子同身材，足以同啲明星媲美，與明星們睇齊咁解。」即係呢啲明星囡囡，並唔係演藝圈中人，只係佢哋比較靚女，所以叫佢哋做明星啫！但唔講都唔知，原來有好多朋友，真係以為自己同明星一夕風流，事後仲大事吹噓添！又難怪，因為做得明星組嘅囡囡，真係幾省鏡嘅，有咁嘅誤會，真係唔出奇。另外，佢哋嘅收費亦較高，一啲要七、八百蚊，但亦有啲明星囡囡開價到千五至數千元不等。
客人畀咗咁多錢，加鹽加醋向朋友吹噓一番，絕對係合情合理，但如果真係搵啲內地明星仔一夕風流，價錢又點呢？原來係天文數字，據內地嘅八卦雜誌透露，單係三線姐仔出席富豪飯局嘅酬金，就已經萬萬聲，想一親香澤，再有下文，可能要飯局酬金嘅五至十倍，而且僧多粥少，有錢老闆多的是，但明星就少得可憐，喺無辦法之下，退而求其次，喺夜場搵啲擬似明星嚟滿足一下幻想，絕對係最好嘅辦法，所以囡囡係唔係明星，又有乜所謂！
撰文：小德