問：本人姓陳，今年四十歲，性能力仲好好，平均一星期要做兩次先滿足到性需要，老婆細我五年，今年先係三十五歲，性需求都好大，所以大家喺床上好夾，唯一問題係我同佢都唔想要BB，所以一定要做足預防措施，否則一星期搞兩次，好容易中招。但係我又唔鍾意戴套，老婆又唔鍾意食避孕藥，好多時兩公婆就為咗避孕問題而嘈交，於是我惟有死死氣戴套，不過戴咗真係唔舒服，總係覺得無乜Feel，敏感度差好遠，請問有咩辦法令老婆肯乖乖食藥，我就可以唔使戴套喇！
答：其實避孕有好多方法嘅！除咗戴避孕套同服食避孕藥之外，仲可以打避孕針、子宮環，甚至女性避孕套等等，不過最好都係去家計會尋求專業嘅協助，佢哋因應不同嘅體質而決定做咩避孕方法。兩夫妻性生活美滿對感情一定有幫助，難得你倆對性事都有需求，房事一定好美滿，千祈唔好為咗避孕小事而影響情緒。做丈夫嘅忍讓一下老婆都好應該，不妨一人行一步，咁咪唔使爭執囉！做愛最緊要開心，先會令感情有增無減！
撰文：陽起子