色日放送：沖瞳微笑解悲傷

可愛迷人

大家都知道，日本自九十年代開始，經濟泡沫爆破，搞到家陣社會各界面對住經濟不景氣嘅困境。由於生活困苦，打工仔除咗做到身體冇晒能量，心靈亦受到嚴重創傷，於是就出現咗一批治愈系AV女優，呢班女優可愛親切，一抹純真微笑以及幼嫩胴體，往往可以令男人心靈得到安慰，創傷更加好似得到治療一樣，因而得名，至於最近人氣鼎盛嘅治愈系新人，一定非沖瞳莫屬喇。現年20歲嘅瞳妹來自着衫寫真界，其白雪雪嘅肌膚以及婀娜身材已經夠殺，不過最強嘅地方都仲係佢天真嘅面孔以及清新兼具陽光氣息嘅笑顏。初踏寫真界嘅時候，瞳妹就係憑此迷倒一眾寫真迷，之後阿妹唔知點解愈拍愈激，成日都玩三點盡露，更加令其Fans為之瘋狂。

睇得開心

點解咁多男人將同老婆上床視為一件苦差事呢？原因並唔單只係因為老婆成日喺唔應該嘅時候，例如係自己辛苦工作完又或者係剛剛滾完之後，向自己表達有需要，並且強迫就範，仲因為次次都要自己盡心盡力咁服侍佢，而老婆則全程冇半點稱許，甚至冇半點笑容。如果閣下有咁嘅問題，我絕對唔會提議大家離婚，因為簡簡單單咁欣賞沖瞳嘅演出你就會開心晒。剛才我都講過，瞳妹最出名就係臉上嘅笑容，佢唔單只拍寫真嘅時候盡情展現，拍三仔嘅時候一樣落足功夫微笑，大家可以見到瞳妹全程都會細心又溫柔咁服侍男優，期間笑容滿面，咁已經令觀眾冧到震。不過，最抵死係瞳妹被男優顏射之後，仲繼續報以微笑，表達心滿意足嘅內心感受，我哋作為男人睇見，就好似自己嘅性能力得到肯定一樣咁開心。

沖瞳 小檔案

年齡：20歲

身高：5呎2吋

三圍：34E-23-34

推介作品：《治愈系偶像緊張的性感開關啟動》

推介場口：中段，男優大爺咁攤於床上，而沖瞳則同佢玩推油，期間阿妹笑住咁用盡舌頭、玉手同玉乳刺激男優，同時面露可愛笑容，睇落感受到窩心暖意。

撰文：賢