小弟嘅伯父早年移民加拿大，而每年嘅大年初一都會打長途電話問候我哋全家，仲成日叫我哋飛過去玩吓。其實我都好想探望吓佢老人家，不過機票咁貴，最慘就係要坐十幾個鐘頭，真係悶死人o架！唔知係咪因為知道搭飛機好悶，最近歐洲一間廉價航空公司嘅老闆就話將會爭取喺飛機上播放鹹片，不過方法就唔係直接用座椅後面嘅螢光幕，而係透過程式連接到乘客嘅智能手機度播。另外，佢仲話希望可以最終爭取到飛機上設有房間同大床，再安排埋小姐招呼客人喎！嘩！有咁特別嘅服務，搭幾耐飛機都唔覺得悶喇。