阿基自小就係一個軍事迷，佢對任何軍事用品、玩具、制服等等都好有癖好，已經買到成屋都係軍事用品，又將屋企布置到好似軍營一樣。就係因為太沉迷呢種玩意，連女朋友都飛埋，因為佢覺得女人着起軍服先至最索，但係香港邊度有女兵先得o架！所以佢一直都唔再識女朋友。有一晚，佢又去咗間相熟嘅軍用店買嘢，喺舖頭內遇到個着晒成套軍服嘅女仔，佢立即衝動起嚟，於是膽粗粗上前搭訕，點知姣婆遇上脂粉客，兩人一拍即合，由舖頭一直傾到返屋企，個女兵仲主動話要上去阿基屋企參觀。於是兩人入到屋之後，已經唔使多講，立即打起野戰，阿基荷槍實彈咁喺個女兵身上亂衝，女兵當然唔失禮，久經沙場點會咁易敗陣，一於挺起胸膛搏命迎戰，兩人明刀明槍激戰咗成粒鐘，終於用晒所有彈藥。大戰過後，一切都回復平靜，女兵着番起自己套軍服，露出好滿足嘅表情，阿基喺呢個時候，忽然覺得佢好熟口面，但係又諗來諗去都諗唔到佢係邊個。正想開口問個明白之際，女兵已經準備離去，阿基立即拉住佢，問佢肯唔肯做自己女朋友，點知個女兵話：「喺好耐之前，我已經做過你女朋友，依家我無興趣再做喇！」講完就好瀟灑咁走咗，阿基先至如夢初醒，原來自己曾經走寶都唔知。