有玩家話唱邪K雖然有個K字，但係去得呢亭KTV，唔通真係諗住唱K咩？梗係為咗劈酒同攬女啦！對於呢句說話，小弟只係同意一半，因為劈酒同攬女固然唔少得，唱K耍樂同樣好玩，有時攬住囡囡嚟首合唱歌，好過你用幾個字去氹佢啦！雖然老友都係鍾意唱歌嘅一群，但係遇到啲成晚攬住支咪唔放嘅囡囡，就讓佢相當反感。
話說佢早排去唱邪K，揀咗個相頭唔錯嘅囡囡陪玩，本嚟都相當過癮，尤其係同佢對唱幾首後，更覺得有Feel。點知呢個時候，囡囡開始歌后上身，唱完又唱，唱完再唱，唱完又再唱。起初老友都冇為意，因為囡囡嘅歌喉確係唔錯，點知後嚟卻發覺愈嚟愈唔對路，望吓隻錶，囡囡居然已經唱咗粒幾鐘！老友諗住嗌囡囡返埋位玩骰盅，點知囡囡竟話：「你等我唱埋跟住嗰幾隻歌先啦！」老友聞言當堂扯火話：「我嚟唔係聽你唱歌o架！想聽歌，我唔識得去紅館咩？」
撰文：鋼炮仁