話咁快就到年尾，好多藝人朋友都準備收成績表嘅時候，而今日搵嚟兩位靚女，佢哋都係09年出道，分別係嚟自日本水着界嘅巨乳波神護亞沙奈，同埋內地網絡界Cosplay女王葉梓萱嚟個大比併，看看三年嚟邊個嘅成績最見得人。
第一回合論身材，相信都唔使點鬥，當然係護亞沙奈贏晒，事關阿女佢有5呎7吋高，22吋小蠻腰，最攞命上圍竟有35吋I級，絕對係完美身段，啲衣服只要性感少少都已經令人鼻血長流，雖然葉梓萱嘅身材都唔輸蝕，十分有睇頭，但相比之下，明顯唔夠護亞沙奈揮，但葉梓萱絕對係雖敗猶榮，呢回合護亞沙奈勝！
第二回合比人氣，大家同樣09年出道，拚搏咗兩三年時間，論人氣兩個都差唔多，護亞沙奈每次推出寫真集都熱賣，粉絲們爭相搶購，而拍攝雜誌硬照，出街嗰期一定大賣，可見人氣高企，而葉梓萱亦都唔輸蝕，只要有佢做騷，一定逼滿龍友同粉絲，而梓萱嘅照片，喺網上嘅點擊率更係超高，這回合理應平手。
第三回合比較形象嘅百變度，護亞沙奈喺日本除咗拍寫真，就好少有其他方面嘅演出，所以大家睇到佢嘅形象，來來去去都係泳衣，好似冇乜新鮮感，但葉梓萱就唔同，佢嘅形象認真百變，一時扮純情少女，一時扮性感怨婦都冇問題，加上表情豐富，所以論百變形象真係葉梓萱勝。
細路腸：我就全力支持護亞沙奈，單係佢對35吋巨乳，就已經令人瘋狂，唔撐佢又點得呢？
詩 詩：我就撐葉梓萱，事關我都好喜歡玩Cosplay，如果都有佢咁靚女就好嘞！
大鼻強：一個係人才，一個有身材，真係好難揀，如果兩個都做晒我女朋友，咁就發達啦！
出生日期：1990年5月4日
三圍：35I-22-35
身高：5呎7吋
工作資歷：09年出道嘅護亞沙奈，以完美高挑身材，加上35吋巨乳走入水着界，起初只拍攝雜誌硬照，由於身材火辣，出道唔夠半年就推出自己命名嘅寫真集，即賣個滿堂紅，人氣爆晒燈，但目前還只留在水着界發展。
出生日期：1989年11月14日
三圍：33-22-33
身高：5呎6.5吋
工作資歷：原本喺網絡公司上班的葉梓萱，因為公司要做展覽，於是客串做騷女郎，自此一炮而紅，除咗做模特兒外，仲做好多有關網絡遊戲方面的代言人或主角造型，近年更銳意向演藝圈發展，大展拳腳。
撰文：峰魂簫