最近同啲夜總會老總吹水，個個都話生意難做，唔少客人晚晚一擲千金，但就冇乜人肯同囡囡出街，坐成晚只收得三四百蚊小費，小姐們收入自然大打折扣，等錢使嘅囡囡都轉行做晒骨女，老總們惟有另覓女源，最後搵嚟小三幫手。
小三即係情婦嘅意思，喺內地只要有啲閒錢嘅小老闆，都可以包養個囡囡做小三，如果身家過千萬嘅大老闆，仲可能包養幾個添，呢啲小三有食有住，另外有啲零用錢，本來生活無憂，但做得小三自然好食懶做，興趣多多，而且樣樣都要使錢，如果哎吔老公冇乜錢或者冇乜時間理佢，佢哋就會出嚟夜場客串，因為平時夜晚悶悶哋，都係四圍搵人飲酒作樂，家陣唔使錢，有飲有食仲有小費收，當然爭住嚟做，萬一咁啱有客人垂青，佢哋都冇所謂，褲頭一鬆，又可以賺多幾百，何樂而不為！
如果坐過呢啲囡囡嘅朋友就一定知道，佢哋最怕電話響，事關九成係老公尋人，一聽到電話，就會變咗另一個人，因為多數都係老公突然返嚟，見屋企冇人，就打電話畀佢哋問位置，囡囡就會詐諦話同姊妹喺酒吧飲緊酒或者打緊麻雀，個零鐘後就返嚟，之後就同客人請假，即刻走得就最好，唔走得就頂多坐多一個鐘。大家有言在先，人客大多數都會派彩放人，就算上到房囡囡都會做完至走，可謂言而有信！對於佢哋嚟講，真係食得唔好嘥，收多一蚊得一蚊，所以呢批囡囡，就成為家陣夜場嘅生力軍。
撰文：小德