中年男士工作繁忙，運動量少，難免脂肪積聚，個個都變成大肚腩，除咗有損外表形象之外，對健康亦造成莫大嘅威脅，日本嘅運動醫學專家有見及此，創出一套簡易操，只要每日做十零分鐘，大肚腩嘅情況就會減少，健康更得到改善。
具體方法如下：首先將自己仰天平躺，雙腳緊緊拼合，然後上提10厘米左右，跟住保持10秒鐘，腹部有拉緊嘅感覺，之後再把雙腳放下，重複一上一落做50次，逐漸加到100次，咁效果就更理想。之後第二式，同樣平躺，兩條腿向上屈曲，雙手交叉放喺腦後，然後慢慢抬頭，眼睛望正自己的膝頭，然後回復平躺，雙腳放下，如此一上一落做50次，最終做到100次最好，只要勤力練習，肚腩嘅脂肪就會減少，體質亦會改善，但謹記量力而為，循序漸進。
撰文：陽起子