女性最鍾意男人工作時態度認真，而玩樂嘅時候態度又可以一百八十度咁變為調皮。而男人亦鍾意女仔平時可愛，但係換轉出席公眾場合嘅時候即變得端莊有禮，好似內地嫩模方星懿就係嘞。青春活潑嘅方星懿除咗係模特兒，亦係演員。曾經拍過唔少電視劇，由於舉止溫文有禮，予人端莊典雅及高貴嘅感覺，所以後來亦有好多單位邀請佢做公開活動嘅主持人，而阿妹憑住得體嘅談吐以及靈活嘅臨場應變技巧，深得大眾欣賞。至於佢嘅模特兒工作亦冇因為做主持人而放棄，同樣有出色演出，特別係佢玩制服誘惑嘅時候，能夠配上自己一派可愛又鬼馬嘅表情同動作，凸顯出無比活力，真係令人睇到心花怒放。