好快澳門又要舉行一年一度嘅大賽車，當地氣氛熱烈，又重鋪賽道，又建看台，於是福建有夜場就一於食住個勢，搞咗個賽車之夜，全場囡囡都以賽車女郎服示人，而且仲可以同佢哋大玩遊戲添。
呢間夜場地方唔大，囡囡唔多，但勝在個個都夠年輕豪放，由於馬交每年都有賽車活動，老總出差時感染過現場嘅氣氛，趁住新一屆又快將舉行，於是一於搬嚟照辦煮碗，叫囡囡個個都扮賽車女郎，啲客人當然爭住嚟捧場啦。
而最吸引人嘅地方，仲係現場大玩遊戲，其中一個就叫做「愛撞才會贏」，客人要蒙眼，找出自己當晚嘅女伴，至於點認，就係搵一班囡囡企定定，要客人逐個撞埋去佢哋個心口，最後講出邊個係自己嘅女伴，就可以贏得大獎。
呢個玩法既新鮮又過癮，所以不知幾咁受客人歡迎，而另一個就係「甩尾大作戰」，客人坐喺椅子上，扮成賽車座位，而囡囡就做司機坐喺客人嘅身上，之後主持就會不斷發號施令轉左轉右，衝前急煞等，令囡囡不停扭動身體，而客人仲要用飲管飲完一大杯啤酒，咁就算勝出。呢個環節明顯係畀客人乘機抽水，場面既香艷又抵死，係咪好有吸引力呢！
撰文：賢