好多人都習慣夜晚嚟享受性行為，特別係新婚時，一放工返屋企，九點零鐘就已經上床，所以無意識地習慣臨睡前進行性行為，但當生活嘅日子一長，男女嘅作息時間就會出現差別，女士們大多數都要早睡，翌日至有精神上班或者照顧家庭，但男子往往比較晚睡，上到床時已經係十二點鐘過後，如果丈夫呢個時候至提出性要求，通常都會冇好嘅收場，一係幹一場完全冇味道嘅性愛，一係畀老婆鬧到狗血淋頭，日子長期係咁，更會嚴重影響夫妻嘅感情。所以專家建議大家，如果出現以上情況，就要開始着手調整一下兩夫妻嘅性交時間，例如改喺早上，或者周日任何時間，兩人嘅表現都會好啲，但事前一定要經雙方同意，同埋要持之以恒，成為兩夫妻嘅新習慣，咁樣至會有效果。如果只係單方面改變，另一半唔積極配合，咁只會令情況惡化落去。