色字頭上一把刀，幾時都話北上玩唔好貪小便宜，輕則一肚火，重則人財兩失！最近幾位爸打不約而同喺上面出事，據聞都係衰貪心，喺D場及酒吧內貪飲，最後因小失大兼要搞一大輪至可以回港。據爸打A表示，當晚喺酒吧同兩位師兄劈酒，途中隔籬枱女客表示有酒多飲唔晒，示意爸打A同朋友一齊暢飲，話咁快師兄就將酒劈光：「飲完嗰啲酒大約半個鐘我就『斷片』，最後竟然係侍應叫醒我哋，原來係酒吧打烊！由於早已埋單，所以迷迷糊糊冇理會有冇被偷嘢，直至上的士返酒店時至發現同行三個人包括我都冇晒錢，連手機都唔見埋！好明顯係班女落藥啦！」