日本有好多風俗店都以「出張」嘅形式經營，乜嘢叫做出張呢？原來就係我哋嘅電召上門服務，咁係咪一個電話就有囡囡送到呢？以前就係，但家陣就一定要上網至可以。點解咁奇怪？今日就同大家探討吓！
有朋友會話打電話咪仲方便，點解一定要上網呢？可能大家有所不知，日本風俗店嘅出張服務，全部都係要事前繳清費用，即係囡囡嚟到，係唔會再向客人收錢嘅，佢哋咁做一來唔使怕囡囡會「食夾棍」，二來可以逃避法律問題。囡囡冇收錢，過程全屬自願，萬一畀人拉到都告唔到囡囡賣淫，由於係事前繳費，所以一定要靠網上銀行搞掂，有信用卡當然最好，但使用記錄會好易畀老婆Check到，咁點算好呢？就係可以透過網絡遊戲嘅點數卡嚟交錢，咁就神不知鬼不覺啦。
除咗收錢外，客人想揀囡囡，就一定要上網至可以睇到樣，網上有齊囡囡嘅資料同埋喜好，客人可以隨意挑選，而且出張服務嘅囡囡，大多數都以真面目示人。此外，揀好囡囡之後，就可揀所需嘅服務，例如你想玩幾長時間、要制服定唔要制服，或想囡囡着乜嘢制服等。除咗基本選擇外，客人如果要求一啲特別嘅服務，都可以透過上網填寫申請，只要一遞交，風俗店就會要求囡囡照住嚟辦，所以一定要靠網絡嚟聯絡就係咁解，用電話聯絡，又點夠上網方便呢！
撰文：小德