記得以前住喺屋邨，周不時都有人上門逐家逐戶咁推銷產品，睇見佢行晒成幢大廈，都唔知做唔做到一單生意。原來呢種古老推銷手法，喺內地都仲有，但竟然被色情販子利用，變為上門提供色情服務嘅幌子。
內地提供色情服務嘅手段，以前九成靠夜場提供，不到一成係靠網上，但最近發現夜場提供嘅性服務跌咗兩成有多，而靠網上就大幅上升，快將高達三成，即係十個人去搵囡囡，七個仲係去夜場，但有三個就係靠上網搞掂，可想而知，網上搵囡囡已成為日漸重要嘅新興市場。但囡囡上門出出入入，有時會畀保安調查或者登記資料，為咗更有效地將囡囡送去指定單位，於是諗到以上門推銷為藉口，騙過酒店或者屋苑內嘅保安，輕易進入客人嘅單位，提供色情服務。
囡囡為咗保安相信，佢哋會有工作證或者名片，而且外形亦都會打扮到同推銷員一模一樣，由於係商業活動，而且戶主或住客只要確認一下，有時不用登記就可以進入屋苑或者酒店，不像一啲辣妹打扮嘅囡囡，佢哋會諸多刁難，甚至把囡囡嘅資料交給公安單位跟進，家陣扮成推銷員，保安唔會調查咁多，更唔會把資料交給公安單位。而最受客人歡迎，就係囡囡嘅一身OL打扮，即係免費加送埋制服誘惑，當套裝一剝，內裏更有絲襪誘惑，難怪深受客人嘅歡迎啦。
撰文：小德