有調查指內地男人平均36歲就發達，咁後生對品味自然有要求，而喺溫州，近期更出現一種代購內衣妹服務，據講係網站代人客訂購世界各地女士內衣，表面上係針對女性顧客，實情專為一眾男性玩家，網購囡囡內衣後，上門試穿兼提供服務至真！
據一位溫州玩家踢爆，年初開始出現不少外國代購網站，主要業務係專為人客代購世界各地名牌內衣，同時網站亦有小量購自外國性感內衣發售，玩家一心以為可代購，本想訂購一套性感內衣畀女友，於是就將內衣圖片及尺碼電郵到網站，但事隔數日，對方回覆電郵竟係大量性感寫真。玩家表示相中冇出全相，焦點則集中喺三圍上，所穿內衣正好係網站有售款式，出於好奇，玩家就按聯絡電話查詢，對方竟不諱言表示可賣原味內衣或全新內衣，如選擇全新可親身速遞上門，更有Model即場試身，保證滿意！玩家表示聽到如此挑逗說話以為自己發緊夢，因抵受唔住誘惑，即時同對方確認貨款，然後按入帳戶口過戶訂金給對方。
三日後，玩家到指定酒店等速遞員，對方係一位穿着入時嘅囡囡，身材高挑，談吐有禮，手拿着大袋人客購買貨品，之後玩家就開房，然後雙雙上樓睇辦。人客以為囡囡有如夜場女般入房剝衫上床，但結果係對方先作公司簡介，然後拿出貨品逐一介紹，之後再詢問人客要試穿哪種款式。原來囡囡只會穿最多兩套胸圍底褲，如要穿第三套或以上，必須購物超過一千元，亦可即場加錢，每套為一百元，整個過程於一小時內完成。玩家起初以為有免費餐食，於是大膽問囡囡幾時開始服務，囡囡毫不怕醜表示肉金為八百元短聚。「當時佢已經換咗套我買嘅內衣，咁誘惑，莫講話八百，開一千我都會畀！」 交易過後，囡囡對人客表示過程不會主動提賣淫，但佢嘅經驗所得，冇男人睇完可以乖乖哋離開，否則都唔會搞場大龍鳳，因此吸引到不少夜場Model及D場Dancer兼職做上門內衣模！
撰文：祖