美女互Chok:日韓高妹 發放魅力

日本水着妹一向比較細粒,好得男人歡心,不過今日出場角力嘅兩位日韓美女,卻係高妹一族,兩個都5呎6吋,以日本妹同韓國妹嚟講,算係高妹㗎喇!佢哋身材同樣貌都屬一流,自然各有捧場客。

撰文:西太后

朱多賀小檔案

年  齡:26歲

三  圍:34B-24-34

身  高:5呎6吋

工作資歷:09年韓國第一人氣車模,係專業汽車模特兒和專業賽車寶貝。佢算係韓國近年嘅後起之秀。憑肉感優美嘅身形、清新嘅氣質,令佢出道三年就人氣急升,鋒芒直逼李智友、林智慧與黃美姬三位韓國國寶級車模。可惜近年人氣開始有點後勁不繼。

南明奈小檔案

年  齡:22歲

三  圍:32A-23-33

身  高:5呎6吋

工作資歷:出生於日本神奈川縣嘅南明奈,以水着妹、拍攝水着寫真集為主要工作,外表清純可愛。06年被日本網友公認為最可愛嘅寫真美少女,十七歲初出道就創下驚人嘅寫真銷售量。曾經被台北市政府請她去宣傳花博會,一場記者會收了200萬日圓。

朱多賀勝 鬥身材

原因:朱多賀上圍明顯比南明奈更有睇頭,南明奈今年只得22歲,身材屬於高挑少女型,所以各方面都好平均,唔會有奇峰突出嘅部位。而朱多賀大佢四年,自然多了一份輕熟女味道,各方面都好肉感,上圍更加令男人目不暇給。所以論身材的話,韓國嘅朱多賀略勝一籌!

南明奈勝 鬥人氣

原因:南明奈於06年出道,年紀輕輕原來已經入行五年,佢當年以十七歲青春無敵出版首本寫真集,令不少日本宅男眼前一亮,雖然經過五年嘅浸淫,但人氣仍然未有失色,同佢嘅身材樣貌一樣,保養得好好。而朱多賀曾經喺09年當上韓國第一人氣車模,但近年卻有走下坡迹象,所以呢個回合,南明奈追番一局。

和 鬥長腿

原因:兩位都係高妹一族,長腿更加係佢哋嘅賣點之一,所以兩位喺呢方面嘅實力,真係旗鼓相當,勢均力敵。無人可以佔有優勢之下,自然和氣收場。不過以日本水着妹嚟講,南明奈嘅美腿的確幾有睇頭,長得嚟好有線條,跟一般水着妹相比,佢絕對係高幾班。

網友意見:

韓 賓:我係食韓國泡菜o架!所以一定揀朱多賀喇!而且佢身形夠晒肉地,唔會一面倒瘦得滯,長腿又好鬼正,令我愈睇愈興奮,雖然佢近年人氣下滑,我仍然會撐硬佢o架!

寫真偉:係男人都鍾意青春玉女喇!南明奈又後生又可愛,真係愈睇愈迷人,依家潮流興瘦,佢就啱晒,好難得搵到個咁長腿嘅日本妹,所以佢係我近年心目中嘅女神!