朋友Ａ到廣州想搵個老相好敍舊，去佢返工嘅夜場搵佢，點知佢請咗假，媽咪話要十點零鐘至返，於是喺大廳等佢，但等到十一點至見佢返嚟，問佢剛才去咗邊？佢話去咗飯局！原來有五個囡囡，經媽咪介紹去陪六個老闆食飯。佢話通常呢啲飯局都冇下文，真係只陪食飯，但每一次出去，就有八百至一千蚊嘅小費，雖然要畀番兩百蚊媽咪，但比起坐枱和味好多，但唔係乜嘢囡囡都去得，一來要媽咪推介，平時就要識得孝敬佢，二來本身質素要見得人，三來就唔可以太寒酸。朋友Ａ話好似佢老相好咁樣，一身名牌晚裝、手袋、高跟鞋，連埋整頭化妝，真係打咗唔少皮落去，所以都係啲資深嘅囡囡至有資格去，據講每個星期只去兩三晚，一個月嘅小費收入，就好過返成個月工喎！