家陣好多年輕模特兒都擁有驕人雙峰，而佢哋亦知道大部分男人都專注於女性嘅胸脯，所以成日都刻意賣弄巨乳。不過，男人唔係咁膚淺嘅，除此之外亦喜歡「賞月」，所以唔少擁有美臀嘅女星同樣可以上位，就好似呢兩位來自內地同日本嘅少女偶像咁。
出生日期：1985年9月26日
身高：5呎5吋
三圍：33-24-37
工作資歷：秋山莉奈嘅37吋美臀有「美尻女王」之稱，阿妹佢1998年開始拍攝廣告，之後成為水着偶像。到2001年，青春可愛又有氣質嘅莉奈更加受到電視台賞識，邀請參演《蒙面超人阿極陀》，成功透過公仔箱一躍入屋，人氣直線上升。莉奈之後拍過唔少寫真集、電視劇同電影，不過，阿妹佢同超人片相當有緣，2006年又參演《轟轟戰隊》，2007年亦參演過《蒙面超人電王》添。
出生日期：1989年8月8日
身高：5呎5吋
三圍：33-23-34
工作資歷：金焱只係一名兼職模特兒，佢嘅正職其實係一間內地石油公司嘅人事部職員。雖然家陣阿妹都只屬兼職性質，但係拍廣告嘅時候表現專業，最重要係佢風情萬種，直程令見慣大場面嘅攝影師都為之着迷。除咗青春無敵又好身材，最大魅力在於一個美臀，自從佢將自己嘅寫真放上博客之後，點擊率快速破萬，更加被網友稱為「中國第一美臀」！此後，金焱嘅模特兒工作就愈來愈多，成為知名嫩模之一。
秋山莉奈成名除咗因為靚女，仲因為其擁有美臀。莉奈呢個37吋圓潤又堅挺美臀已經夠晒睇頭，不過佢條腰只得24吋，兩者之間嘅13吋巨大差距，令臀部睇落更巨型更突出。至於內地嘅金焱，佢嘅34吋美臀同樣圓潤，外形亦相當吸引，只不過比起莉奈則較小巧，而且當金焱趴低嘅時候，臀部即現出骨感，睇落好似由圓變尖一樣，所以呢個回合判秋山莉奈勝。
女仔身上嘅膚色對吸引力有好大影響，而兩位靚女都年輕貌美，青春可人，不過如果論膚色，個人認為內地嫩模金焱較佳。金焱妹聲稱自己非常鍾意進行戶外活動，除咗令身材更加健美，仲令皮膚吸收到陽光，膚色帶點健康棕色，散發住青春活力。相反，莉奈雖然皮白肉嫩，色澤好似雪咁白，但唔會白裏透紅，反而係一片慘白。
要令寫真作品吸引力爆燈，模特兒除咗要樣靚身材正，最重要就係一份媚態。呢方面金焱同秋山莉奈都非常足夠。先講金焱，佢嘅正職雖然係正常嘅白領階級，但據講佢一見到鏡頭，就識得自動擺姿勢，而且拍攝嘅時候，表情仲要流露萬分誘惑，加上S形翹臀姿勢，真係媚態十足。至於秋山莉奈秉持日本水着女優嘅上佳質素，擺姿勢夠性感就唔使多講，最難得佢就算木無表情，只係半開朱唇亦透發出誘人魅力，兩位都咁吸引，平手。
撰文：賢