人慾搜尋器：新疆萌系美人小孜

今日介紹一位嚟自新疆烏魯木齊嘅美人畀大家認識，名字叫阿孜，至於全名就叫阿孜古麗尼加提，今年至啱啱二十歲，大家咪睇佢咁後生，家陣已經係上海同北京知名嘅平面模特兒，而且除咗拍照，最近仲勇闖影視圈成為新人。

小孜嘅樣子十分討人喜歡，而且扮乜似乜，叫佢做番自己扮美少女，可以話絕對冇問題，就算叫佢扮狂野熟女，一樣駕輕就熟，所以撈埋演員，一樣難佢唔倒，只係身材略欠火爆，對一啲只喜歡巨乳嘅朋友，未必會產生興趣。

但大家咪睇小佢，好似最近小孜做咗某大名牌嘅泳衣代言人，喺一眾巨乳囡囡當中，佢一樣唔輸蝕，觸動唔少網友嘅眼球，何況小孜只得廿歲女，日後性感度一定會大增，令更多朋友留意住佢！