最近喺安徽有間三星酒店，為咗吸引客人幫襯，提供「私人房務助理」，負責貼身處理房務問題，據講一啲單身客不知幾咁開心，因為嗰啲囡囡仲可以提供特別服務，跟足廿四小時，認真抵玩。
話說呢間酒店頂層，有十間商務套房，由於設備靚啲、空間大啲，所以叫價都貴啲，一晚最少都要八百蚊，但開價咁貴，邊有人嚟幫襯，為咗吸引人入住，於是諗到推出「私人房務助理」服務，客人入住之後，就有囡囡照顧晒所有大小事情，包括訂車、訂餐、訂機票，而且洗衣服都包埋，真係老婆都冇咁好服侍，而且入住廿四小時內，全天候跟住你喺房裏面，隨傳隨到，你會話孤男寡女共處一室，如果想曳曳又得唔得呢？原來服務費用係冇包嘅，但囡囡就有晒心理準備。
只要你畀三百蚊小費，囡囡就會非常樂意咁同你短聚，不過冇得包過夜，全部都係鋪鋪清，事關囡囡八小時一更，一日三更制，即係你入住廿四小時，佢就會安排三個囡囡嚟照顧你，你有本事可以三個都試勻，但有人情有獨鍾，要求一個囡囡由頭到尾都冇問題，但費用就要收八百，所以奉勸咪玩純情，三更制同三個囡囡貼身浪漫，效果更好，但計一計連埋房租肉金，玩一晚要成千幾蚊，真係幾貴吓！
撰文：小德