近年吹起一股香港嫩模熱，無論係書展定係漫畫展，或者廣場內嘅大小活動，都可以見到佢哋嘅蹤影。而每次佢哋出現總會見到波影重重，深溝滿載。不過，個人認為，要展現美態其實唔一定要露出乳溝，如果好似內地嫩模盧雪暢咁有氣質，又咁識打扮，唔露肉同樣索過人。現年19歲嘅盧雪暢既係演員亦係模特兒，現時就讀於北京電影學院表演系，所以亦係一名學生妹。而阿妹有別於一般嫩模嘅地方，在於佢嘅寫真作完全唔會露出胸部，原因係佢一直深信，裸露唔代表藝術，而藝術界追求美感之餘，亦應該嚴守道德底線。今年4月，阿妹仲特別將自己嘅行為藝術寫真《鎖住道德，拒絕裸露》上載到網絡，唔少網友都為佢嘅道德操守而感動。