內地夜場人流咁多，自然引伸好多另類嘅服務，好似喺汕頭就有間夜場，佢有手機充電同埋打印照片嘅服務，客人只要畀部手機佢哋，就可以十分鐘內令手機充足電，另外，可以將自己啱啱同朋友、囡囡拍咗嘅照片，即時打印出嚟，同囡囡、朋友一人一張留念，離開時只要將手機嘅照片檔一洗，咁就神不知鬼不覺，方便係方便，但小心呢啲服務背後，有啲別有用心嘅人，係想偷你手機內嘅資料，事關家陣嘅老千，有一個名同一個電話，就可以行騙，如果仲知道埋你嘅電話號碼同稱呼，佢哋就可以隨便用一個電話打畀你嘅朋友，而對方手機上可以顯示出你嘅電話號碼，之後喺好嘈雜嘅地方，叫你朋友嘅名，大多數人都會不妨有詐，之後騙子再甜言蜜語，令朋友上當破財，所以大家北上夜遊時，真係咪貪方便呀！