隨住手提電腦同平板電腦愈來愈普及，好多人嘅生活都離不開玩電腦，相信擁有上述產品嘅朋友，或者只有智能手機嘅朋友，都試過瞓到落床，依然機不離手嘅情況喇，不過，如果閣下與女友或老婆同床，切記上床咪玩手機或電腦喇。早前，英國倫敦有一個調查發現，受訪嘅二百萬人當中，有22%有於床上用電腦嘅習慣。而專家就表示，咁做會令伴侶覺得你忽視佢嘅存在，關係就會日漸疏離，最後當然係分手收場啦。所以大家玩電腦或手機記住適可而止，咪玩到連感情都破壞埋呀！
打到嚟喇！打到嚟喇！一班索到爆燈嘅日本AV女優打到嚟喇！有咁嘅事？冇錯，11月15日，由日本知名AV女優，包括吉澤明步、蒼井空、麻美由真以及Rio等等組成嘅日本AV女優組合「惠比壽麝香葡萄」將會嚟香港，進行巡迴演唱呀！各位AV迷包括小弟在內，得知此消息，真係興奮到不得了。好消息陸續有來，因為大家只要上到活動嘅官方網站，就可以玩網上問答遊戲，答中五條問題，就有機會贏得上台與眾AV女優玩現場遊戲嘅機會添！
撰文：小德